sábado, 29 de diciembre de 2007

Familia eskubidea





Bideo hau, blogean daukadan bestearen antzekoa da. Bideo hauek, haurren eskubideak bultzatzen dituzte. Konkretuki honetan, haur guztiek familia edukitzeko eskubidea dutela azpimarratu nahi dute.

sábado, 22 de diciembre de 2007

GIZARTE ARRISKUTSUA

Izpirituzko balio askok garrantzia galdu dute eta, ostera balio materialak indartu eta hedatu egin dira. Gizakiaren garapen pertsonalari baino garrantzi handiagoa ematen zaio, orain, gauzak edukitzeari. Garena dugu, eta duguna gara; beraz gizakia aberatsago eta goseago.
Gero eta bizi kalitate hobea ematen digute eta honen ondorioz kontsumitzaile gero eta indartsuagoa izatera pasatu gara. Hau ikusita, zertxobait txarto doala ohartzen gara.
Modernitateak merkatuarekiko dependentzia izugarria ekarri digu eta merkatu askeak, egiatan, produktu jakin batzuen artean aukeratzera behartzen gaitu. Hortik atera dezakegu multinazional eta banaketa enpresa handiek ezartzen dizkiguten joera, moda eta produktuetara moldatzea beste aukerarik ez dugula.
Ikus dezakegunez modernitateak, gizarte arriskutsua sortu du eta datozen belaunaldien etorkizuna zalantzan jarri; hau da, mundua ezegonkorragoa eta desorekatuagoa bihurtu da. Gizarte arriskutsuaren ironiarin azpimarragarrienetako bat zera da: gosea pasatzen duten milioika lagunen alboan, gehiegizko pisuaren ondorioz hiltzen diren pertsonak daudela. "Gutxiegia eta larregia beti kaltegarria".
Hori gutxi balitz, gehiegi erosten duen jendea gero eta gehiago da, eta honek sekulako arazo ekonomikoak dakartza.
Argi dago neurrigabeko garapenak eta kontsumoak hankaz gora jarri dutela orain arteko oreka sozial eta ekonomikoa.
Amaitzeko, esan beharra dago denok ikasi beharko genukela neurriz kontsumitzen, guztion lana baita gizarte arriskutsu hau edonola gelditzea. Hau ez lortzekotan...gureak egin du!!!

Salgai. Euskal Kontsumo Gizartea Aztertzen.
Patxi Juaristi, 2005
Alberdania. Zeberri saila, 34.

jueves, 13 de diciembre de 2007

Concepción Arenal

Concepción Arenalen lanari buruz hitz egitean, "pentsalari", "filosofo", "kriminalista", "soziologo" edo "idazle" bezalako hitzak erabili izan dira; ez da inongo okerrik izenetan.
Emakume honen ezaugarria, bizitzea suertatu zitzaion gizartearen aurrean baztertuta eta babesik gabe zeuden gizon-emakumeenganako kezka zen. Hau da, beti zebilen Bakea, Askatasuna, Aurrerapena, Justizia eta Egia ideien atzetik.
Bere bizitza osoan, zenbait gai defenditu zituen; batik bat, emakumea, bakezaletasuna eta humanitarismoa. Gaur egun, bera hil eta ehun urtera, konponbide zain jarraitzen duten gaiak dira.
Madrilgo Unibertsitatean, gizonez jantzirik egin zituen zuzenbide ikasketak eta bera izan zen unibertsitateko ikasgeletan sartu zen lehen emakume espainarra. Beranduago Oviedon joera liberaleko egunkari bat argitaratzeko lanetan aritu zen, gero Madrilera bueltatzeko.
"La Voz de la Caridad" egunkarian lan egin zen eta Madrilgo Gurutze Gorriaren Idazkari Nagusi zenez, gerrate karlistan ere parte hartu zuen erizain lanetan. Azken honi buruz, "Historias de guerra" lana idatzi zuen.
Ikus dezakegunez C.Arenalek langile, espetxeratu, haur, zahar eta gutxiagotasun egoeran zeuden gizarte-taldeez arduratu zen eta emakumeak gizartean jasaten duen diskriminazioaz jabetzen zen. Hain zuzen ere, Gall medikuaren teoriak ez zituen onartzen.
Kultura gizonezkoari zuzendua egonik, emakumezkoei egotzitako "alaba-emazte-ama" betebeharra gizartean emakumezkoek izan ditzaketen beste zereginekin osa daitekela uste du, "etxea-lana" bikotean ez baitago aurkakotasunik.


Emakunde aldizkaria, 13.zenbakia.
www.emakunde.es

jueves, 11 de octubre de 2007

Zergatik gai hau?

"Hezkuntza gizarteari begira" gaia, oso interesgarria iruditzen zaidalako aukeratu dut.
Alde batetik, hezkuntzak garrantzi handia duela uste dut, bai haurrengan baita helduengan ere, eta hezkuntza horrek gizartearekin zuzeneko lotura duela deritzot.
Gainera, gaur egun gizartean hainbat arazo dago eta hauetariko asko, hezkuntza ez jasotzearen edo hezkuntza okerra jasotzearen ondorio izan daiteke.

"La escuela no está entre 4 paredes"

LA ESCUELA NO ESTA ENTRE 4 PAREDES



Pintada honetan adierazi den moduan, eskola ez dago 4 hormaren barruan. Ikastea, ez da soilik eskolan lantzen diren arloak barneratzea.
Bertoko balore materialek baino, maisu/maistren eta ikasleen izpirituzko baloreek dute garrantzia eta noski, guztien jarrerek zer esanik ez.
Aipatzekoa da jende askok, haurren hezkuntzaren ardura osoa eskolan dagoela pentsatzen duela eta hau ez dago batere ongi. Etxean, kalean, edota bestelako tokietan ere gauzak ikasteko aukera dute eta ez bakarrik haiek, baita helduek ere.
Beraz, ezin egokiago adierazita dago pintada horretan eskola, ez dagoela 4 hormaren barruan bakarrik, kanpoan ere sekulako "mundua" topa dezakegulako.